An End jeden Monats do is wedder sowiet:

"Treck an sauber Hemd, Strümp und de Böxen grau!" secht mien Frau.
"Wie wütt um tein taun plattschnacken no Hornbostels Wilhelm hen!"

Hei hat up'n Disch schon alls parot.
De Ohm is warm, de Schosstein dammt,schon kummt Helms Hermann annerannt
und gliegs dana, Schützes Herto und Harry mit öhrn Fohrrad ok da.

Thielen Elfriede und Helmut wat förn Glück, de bringt Banslebens Steffanie mit.
Nohms Elfriede und Ewald de feuert mit'n Wogen vör, steit ok schon ver de Kneipendör.

Thies Erika und Helmut wunnebor, de sind mit Walkings Sticks all dor.
Von Krüz us Hemmes Ilse und Hermann de kummt löder, doch dat watt noch rieken,
möt noch no öhre Keue kieken.

Ok Heuß Thea hat vern Äten dat Plattschnacken nich vergäten.
Beyers Luise, Gerd und Plathen Erika sind meist von us als Erste da.

Lindloffs Alfred wunnebor de wer ok immer pünktlich dor.
Nur Wilkens Reiner, wie wät et nicht, den kricht wie kum noch tau Gesicht.

Wer kiekt noch vorbie mit'n Pott Tee inne Hand, Hornbostels Ingeborg, de hat kein Tied,
de blifft nich lang.

De Frauenlü sitt tauhopen an de linken Siet.
"Nun aber los, schnackt Platt, watt Tied!"
Von Kinner kriegen und von backen, von Knütten und von Keinholt hacken,
von Heuner, de schlecht Eier lecht, von Korl sien Frau, de schon wedder wech,
von Röhrs Heini, haste hört, de slon is von sien brunen Perd.
Brammers Liso, man oh man, de fangt förn Museumshof doch wedder dat spinnen an.
So geiht dat hen, so geiht dat her und man kricht vähl neies her.
Ok de Kerls an de rechten Sied, do wat et lu, de hät wohl Striet.
De Jägers schnackt von Schwiene, de se nich schoten, weil se de Patrons vergoten.
Jetzt sind se bi de Peer dran, schnackt von Schwiene schlachen,
Holt rutschläpen und dat Pleugen nich vergäten.
Twindich Keue mit de Hänne melkt und dat all för wenich Geld.
Wie schwor de Orbeit freuer wär, man gaut, dat gift et hüt nich mehr.
Worum fleutschet Thielen Helmut an de rechten Siet??
Ach jo, ein lütschen drinken watt jetzt Tied.
Nun schwiegt wie still und liese sind - "n Prost up dat Geburtstagskind!"

Bald twölf, nun is bi lütschen Schluß, weil jeder noch taun Äten muß.
Wie denkt, im Derp dat Neiste, wat fern Glück, bien Plattdütsch kriste vähles mit.
Nun blieft gesund und denkt bien Äten:

"An nächst Monat dat Plattdütsch nich vergäten!"

G.B.